Sahibkarlığa Kömək Milli Fondu iyunun 1-i Şəkidə işgüzar forum keçirib. Rəsmi məlumata görə, Şəki və ətraf rayonlarda fəaliyyət göstərən sahibkarlıq subyektlərinə 578 min manat güzəştli kredit verilib. Kreditlərin heyvandarlıq, bağçılıq, tütünçülük, çiyələk əkini və digər sahələrin inkişafına yönəldiləcəyi bildirilir.
Forumda qeyd olunub ki, indiyədək Şəki-Zaqatala iqtisadi rayonunda fəaliyyət göstərən 2 min 141 investisiya layihəsinin maliyyələşdirilməsinə 98,7 milyon manat, Şəki rayonundan olan 474 sahibkara isə 28,6 milyon manat güzəştli kredit ayrılıb.
