Yanvar-may aylarının populyar 20 adı
Novator.az Azərbaycanda bu il doğulmuş uşaqlara verilən populyar adların siyahısına nəzər salıb. 2017-ci ilin yanvar-may aylarının ən populyar üç qız adı Zəhra (846 uşaq), Nuray (684) və Zeynəb (509) olub.
501 qız Məryəm, 482 qız Fatimə adı alıb.
Aylin və Dəniz adları populyarlıq sarıdan bərabərdir: 466 uşaq.
Populyar adlar onluğunu Mələk (448), Damla (362) və Ayan (342) qapayır.
2017-ci ilin 5 ayında ən çox qoyulan oğlan adlarının ilk onluğuna Yusif başçılıq edir: 920 uşaq.
Əli adı 664, Hüseyn adı 613, Ömər adı 505, Uğur adı 458 uşağa verilib.
Siyahıda daha sonra Məhəmməd (447), Murad (392), Ayxan (343), Tunar (285) və İbrahim (273) adları gəlir.
