Azərbaycanda seysmotomoqrafiya işlərinə başlanıb
Azərbaycan ərazisində seysmotomoqrafiya işlərinin aparılmasına başlanıb.
Novator.az-ın məlumatına görə, bununla bağlı Milli Elmlər Akademiyası nəzdində Respublika Seysmoloji Xidmət Mərkəzinin yaydığı açıqlamada deyilir ki, amerikalı seysmoloqların iştirakı ilə artıq Neftçala, Hacıqabul, Qusar, Göyçay rayonlarında müvəqqəti seysmik stansiyalar quraşdırılıb.
Stansiyaların quraşdırılması prosesində Respublika Seysmoloji Xidmət Mərkəzinin baş direktoru, AMEA-nın müxbir üzvü Qurban Yetirmişli, xidmətin əməkdaşları, ABŞ-ın Missuri Universitetinin professoru Sandvol Eric Alan və həmin institutun əməkdaşı Gunnels Maykl Ceyms iştirak ediblər.
Sözügedən işlər “Böyük və Kiçik Qafqazın strukturu və üstəgəlməsi proqramı” çərçivəsində həyata keçirilir.
