Tanınmış yazar Şərif Ağayar Kulis.az saytının baş redaktoru təyin olunub. Xəbəri mayın 30-da Lent.az yayıb.
“APA Holdinq”ə daxil olan Kulis.az-ın əvvəlki baş redaktoru Qan Turalı ötən həftə vəzifəsindən gedib.
Şərif Ağayar 1976-cı ildə Laçın rayonunda anadan olub. Azərbaycan Dövlət Pedaqoji Universitetinin tarix-filologiya fakültəsini bitirib.
“Panorama” qəzetində, “Yeni Azərbaycan” qəzetinin “Ədəbiyyat” əlavəsində çalışıb, “Kino+” qəzetinin baş redaktoru olub, Mədəniyyət və Turizm Nazirliyinin nəşriyyat, reklamın təşkili və informasiya şöbəsində məsləhətçi vəzifəsində işləyib.
2014-cü ildən Kulis.az-ın redaktoru idi.
