Rusiyada ailənin orta gəliri nə qədərdir?
Üçnəfərlik rusiyalı ailənin normal yaşaması üçün ayda 83 min rubl (təqribən 2500 manat) tələb olunur. Novator.az-ın məlumatına görə, “Romir” şirkətinin apardığı sorğu bunu göstərir. Sorğuda 18 yaşdan yuxarı 1500 nəfər iştirak edib.
Sosioloqların hesabatına görə, Rusiyada hər 6 ailədən biri ayda 45 min rubla (təqribən 1360 manat) yaxın vəsaitlə normal yaşaya biləcəyini düşünür.
Respondentlərin üçdə ikisi 45 mindən 120 min rubla (3625 manata yaxın) qədər gəlir əldə etməyə iddialıdır. Əhalinin 22%-i hesab edir ki, ailə normal həyat üçün ayda 120 min rubl qazanmalıdır.
Hazırda Rusiyada ailənin orta gəliri 71 min 800 (təqribən 2170 manat) rubldur.
Səidə Hüseynova
