Hesablama Palatası büdcənin icrasına nə rəy verib?
Hesablama Palatası 2016-cı il dövlət büdcəsinin icrası haqqında qanun layihəsinə və dövlət büdcəsinin icrasına dair illik hesabata rəy verib. Novator.az bildirir ki, rəyə görə, 2016-cı ildə dövlət büdcəsinin gəlirləri 16 milyard 822 milyon manat proqnoza qarşı 17 milyard 505,7 milyon manat və ya 104,1% icra edilib.
Gəlirlər üzrə icra səviyyəsi 2008-ci ildən bəri ən yüksək göstəricidir. Hesabat ilində dövlət büdcəsinin gəlirləri 2015-ci illə müqayisədə 7 milyon 714,8 min manat çox olub.
2016-cı ildə dövlət büdcəsinin xərcləri 18 milyard 495 milyon manat proqnoza qarşı 17 milyard 751,3 milyon manat və ya 743,7 milyon manat az (96 faiz) icra edilib, bu da 2015-ci illə müqayisədə 33,2 milyon manat və ya 0,2% azdır.
2016-cı ildə dövlət büdcəsinin kəsiri 245 milyon 604,1 min manat olub.
