Əhali nə qədər qaz işlədib?
Dövlət Statistika Komitəsi təbii qazın paylanması haqqında hesabat yayıb. Novator.az bildirir ki, hesabata görə, yanvar-mart aylarında ölkədə əmtəəlik təbii qaz ehtiyatlarının həcmi 6 milyard 762,3 milyon kubmetr olub. Ehtiyatların 69,8 faizi hasilatın, 25,4 faizi qalığın, 4,8 faizi isə idxalın hesabına formalaşıb.
Təbii qazın 47 faizi istehlak, 34,9 faizi ixrac olunub, 6,4 faizi itkiyə gedib, 11,7 faizi isə aprelin əvvəlinə ehtiyat kimi qalıb.
Ölkə daxilində istehlak edilmiş təbii qazın 59,7 faizi istehsal ehtiyaclarına sərf edilib, 40,3 faizi isə əhaliyə satılıb.
2017-ci ilin yanvar-mart aylarında 2 milyard 357,2 milyon kubmetr və ya 2016-cı ilin müvafiq dövrü ilə müqayisədə 2 faiz çox təbii qaz ixrac edilib.
Əhali 1 milyard 278,3 milyon kubmetr və ya əvvəlki ilin müvafiq dövrü ilə müqayisədə 1,8 faiz çox təbii qaz istehlak edib, onun 33,4 faizi paytaxtın, 4,4 faizi Naxçıvan Muxtar Respublikasının, 17,7 faizi Aran, 13,2 faizi Gəncə-Qazax, 9 faizi Abşeron, 6,7 faizi Lənkəran, 5,3 faizi Şəki-Zaqatala, 5,2 faizi Quba-Xaçmaz, 2,8 faizi Dağlıq Şirvan, 2,3 faizi isə Yuxarı Qarabağ iqtisadi rayonlarının payına düşüb.
