Yollarda ağaclar (Yeni hesabat)

85 0

Hazırda magistral və respublika əhəmiyyətli avtomobil yollarının mühafizə zolağında 952 862 ədəd çoxillik ağac var. “Azəravtoyol” ASC belə xəbər yayıb.

Məlumata görə, “Azəravtoyol” 2017-ci ilin ilk rübündə magistral və respublika əhəmiyyətli avtomobil yollarının mühafizə zolaqlarına 94600 ədəd müxtəlif növ ağac və kol bitkisi əkib.

Bakı-Ələt-Qazax-Gürcüstan avtomobil yolunun Hacıqabul-Gəncə-Qazax hissəsinin, Yevlax-Zaqatala-Gürcüstan avtomobil yolunun, həmçinin Bakı-Ələt-Astara-İran avtomobil yolunun Salyan və Biləsuvar rayonları ərazisindən keçən hissəsinin mühafizə zolaqlarında ümumilikdə 42000 ədəd Eldar şamı, iydə, ağcaqayın, aksiya, sərv digər müxtəlif növ ağac əkildiyi bildirilir.

1 nömrəli Regional Avtomobil Yollarının Yaşıllaşdırılması və Ekologiyası MMC M-1 Bakı-Quba-Rusiya Federasiyası avtomobil yolunun 35-40-cı kilometrinin mühafizə zolağında 14567 ədəd, 7 nömrəli Avtomobil Yollarının Yaşıllaşdırılması MMC R-8 Muğanlı-İsmayıllı yolunun kənarında 40 min ədəd müxtəlif növ ağac tingləri əkib.

Bu il Bakı dairəvi avtomobil yolunda 3 min ədəd, Zığ dairəsi-hava limanı avtomobil yolunda 8 min ədəd ağac və kol bitkisi, 2 min ədəd gül kolu əkilib, yaşıllıq sahələrinə su xətləri çəkilib, damla üsulu ilə suvarma sistemləri quraşdırılıb.

“Azəravtoyol” ASC-nin qurumları 1600 kilometr magistral avtomobil yolunun, 1824 kilometr respublika əhəmiyyətli avtomobil yolunun, ümumilikdə 3424 kilometr avtomobil yolunun təhkim zolağındakı yaşıllıqlara xidmət göstərir.

Bu materialda

Müzakirəyə qoşul

No widget found with that idNo widget found with that id