Peşə hazırlığı və əlavə təhsil kursları hesabatı
Əmək və Əhalinin Sosial Müdafiəsi Nazirliyi bildirir ki, peşə hazırlığı və əlavə təhsil kurslarının təşkili və gənclər üçün peşəyönümü tədbirləri bu ilin 4 ayında 47,8 min nəfərə yaxın şəxsi əhatə edib. Rəsmi hesabata görə, yanvar-aprel aylarında 1603 nəfər (o cümlədən Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin xətti ilə 1547 nəfər, nazirliyin 1 saylı Peşə Reabilitasiya Mərkəzində 56 nəfər) şəxs peşə hazırlığı və əlavə təhsil kurslarına cəlb olunub. Kurslara cəlb edilənlərin 132 nəfəri əlilliyi olan şəxslərdir.
Dörd ayda Dövlət Məşğulluq Xidməti gənclərin düzgün peşə və ixtisas seçiminin dəstəklənməsi məqsədilə həyata keçirilən peşəyönümü tədbirlərinə isə 46161 nəfər gənc cəlb edilib.
