Ermənistanın yeni parlamenti fəaliyyətə başladı
Mayın 18-də Ermənistanın yeni parlamenti ilk iclasını keçirir. Novator.az-ın məlumatına görə, iclasa prezident, hakim Respublika Partiyasının sədri Serj Sərkisyan, dini lider II Qaregin də qatılıb.
Müxalif “Çıxış” blokunun deputatları iclasa gəlməyiblər.
İclasda parlament rəhbərliyinin (sədr və müavinlər, komissiya sədrləri) seçilməsi gözlənir.
Aprelin 2-də keçirilmiş parlament seçkisində Respublika Partiyası 105 nəfərlik Milli Məclisə 58 mandat qazanaraq hökumət qurmaq hüququ əldə edib. Hökumətdə Respublika Partiyasının ortağı olan Daşnaksütun Partiyası 7 mandat götürüb. Sarukyan bloku 31, “Çıxış” bloku 9 mandat əldə edib.
