Əhali, büdcə və bank göstəriciləri
Bu ilin yanvar-mart aylarında əhalinin sayı 19,4 min nəfər və ya 0,2 faiz artaraq aprelin 1-nə 9 milyon 829,4 min nəfərə çatıb. Məlumatı Dövlət Statistika Komitəsi yayıb.
Novator.az bildirir ki, komitənin başqa bir məlumatına əsasən, yanvar-aprel aylarında dövlət büdcəsinə 5 milyard 21,9 milyon manat vəsait gəlib, büdcədən 5 milyard 390 milyon manat vəsait xərclənib. Büdcənin icrasında yaranmış 368,1 milyon manatlıq kəsir ümumi daxili məhsulun 1,8 faizi səviyyəsində olub.
Aprel ayının 1-nə ölkənin bank və bank olmayan kredit təşkilatlarının kredit portfeli milli valyuta ekvivalentində 15 milyard 533,3 milyon manat təşkil edib. Kredit portfeli 2016-cı il aprel ayının 1-i ilə müqayisədə 21,1 faiz azalıb. Ödəmə vaxtı keçmiş kreditlərin məbləği ümumi kredit portfelinin 10,2 faizinə bərabər olub.
Əhalinin banklardakı əmanətləri aprel ayının 1-nə milli valyuta ekvivalentində 6 milyard 911,5 milyon manat göstərilib.
