İslam Oyunları: 14 ölkənin qızılı var
Mayın 16-na olan statistikaya görə, Bakıda keçirilən 4-cü İslam Həmrəyliyi Oyunlarında ən çox qızıl medalı Türkiyə idmançıları qazanıb. Türkiyənin 35 qızılı var.
Novator.az bildirir ki, Azərbaycan idmançıları 33 qızıl medal əldə ediblər. Özbəkistan 6 qızıl medalla üçüncü sırada dayanır.
Daha 11 ölkənin təmsilçiləri qızıl medal alıblar:
İndoneziya, İran – 5 qızıl medal
Əlcəzair – 4
Misir, İordaniya – 3
Türkmənistan, Qətər, Banqladeş, Qırğızıstan, Tunis, Səudiyyə Ərəbistanı – 1.
Mayın 22-də bitəcək İslam Oyunları futbol, həndbol, voleybol, bədii gimnastika, boks, tennis, karate, idman gimnastikası, cüdo və para cüdo, atıcılıq, üzgüçülük, su polosu, ağır atletika, taekvondo, atletika/para atletika, güləş, stolüstü tennis, basketbol 3×3, suya tullanma, zorxana, uşu idman növlərini əhatə edir.
