Mayın 16-da ABŞ dollarının rəsmi məzənnəsi yenə dəyişməz qalıb. Novator.az-ın məlumatına görə, dollar 1,7025 manata təklif olunur. Bu qiymət mayın 12-dən qüvvədədir.
Avro və Rusiya rublunun dəyəri isə artıb. Mərkəzi Bank avronun kursunu 1,8609 manatdan 1,8715 manata, rublu 0,03 manatdan 0,0302 manata qaldırıb (Məzənnələr).
2017-ci ilə dollar 1,7707 manatla başlayıb. Yanvarda ən yuxarı rəsmi qiymət 1,9165 manat, fevralda 1,92 manat, martda 1,7563 manat, apreldə 1,7244 manat olub. May ayı 1,7025 manatla start götürüb.
