Yanacaqsız ixrac 13 faizə çatmır
Dövlət Gömrük Komitəsi yanvar-aprel aylarının ixrac və idxal göstəricilərini açıqlayıb.
Novator.az bildirir ki, ümumi ixracın 87,77 faizi neft və qaz sektoruna aiddir. Dörd ayda ixracın 76,26 faizi xam neft olub. Neft məhsulları ixracın 3,46 faizini, təbii qaz 8,05 faizini təşkil edib.
Hesabata əsasən, ixracın 2,54 faizi meyvə-tərəvəz, 1,26 faizi plastmassa və onlardan hazırlanan məmulatlar, 1,13 faizi alüminium və ondan hazırlanan məmulatlardır.
2017-ci ilin ilk dörd ayında idxalın 21,04 faizi maşın, mexanizm, elektrik aparatları, avadanlıqlar və onların hissələri olub. Yeyinti məhsulları ümumi həcmin 19,07 faizini təşkil edib. Ümumi idxalın 9,97 faizi qara metallar və onlardan hazırlanan məmulatlardır.
