2017-ci ilin yanvar-aprel aylarında Azərbaycanın əsas xarici ticarət tərəfdaşı İtaliya olub. Novator.az-ın məlumatına görə, Dövlət Gömrük Komitəsi bildirir ki, bu ölkə ilə ticarətin həcmi ümumi dövriyyənin 15,71 faizini təşkil edib.
Türkiyə 13,04 faizlə ikinci, Rusiya 9,38 faizlə üçüncü xarici ticarət tərəfdaşdır.
İxracda əsas ölkələrin siyahısında 23,23 faizlə İtaliya öndə gəlir. İdxalda əsas ölkə isə Rusiyadır (18,77 faiz).
Yanvar-aprel aylarında Azərbaycanın MDB ölkələrinə ixracı 2016-cı ilin ilk dörd ayı ilə müqayisədə 41,38 faiz artıb. Avropa İttifaqı ölkələrinə ixracda 20,9 faiz, digər ölkələrə ixracda 70,03 faiz artım olub.
MDB ölkələrindən idxal 2016-cı ilin yanvar-aprel ayları ilə müqayisədə 18,17 faiz artıb. Avropa İttifaqından idxalda 29,86 faiz, digər ölkələrdən idxalda 22,87 faiz azalma var.
