“Azərbaycan Hava Yolları” Bakı şəhərinin yaşıllaşdırılması və ətraf mühitin qorunmasına qayğı göstərilməsinə yönəlmiş xüsusi ekoloji layihəyə start verib.
“Azərbaycan Hava Yolları” QSC-nin mətbuat xidmətinin məlumatına görə, mayın 3-dən 10-dək AZAL və AZALJET-in istiqamətləri üzrə satılan hər bir aviabiletə görə aviaşirkət bir ağac əkəcək.
Layihə çərçivəsində Heydər Əliyev Beynəlxalq Aeroportu ətrafındakı ərazidə tinglər basdırılaraq xüsusi ağacəkmə aksiyası keçiriləcək.
