Rusiyada televiziyaya etimad 10% azalıb
Televiziya rusiyalılar üçün əsas informasiya mənbəyidir. Novator.az-ın məlumatına görə, Ümumrusiya İctimai Rəyi Öyrənmə Mərkəzinin yeni sorğusu bunu göstərir.
Sorğuya əsasən, rusiyalılar informasiyanı daha çox televiziyadan alır, amma axır iki ildə əhalinin bu KİV-ə etimadı 10% azalıb. 2015-ci ildə əhalinin 62%-i xəbərləri televiziyadan izləyib, 2017-ci ildə isə bu rəqəm 52%-ə düşüb.
Aprelin 20-24-də ölkənin 46 bölgəsinin 130 yaşayış məntəqəsində aparılmış sorğunun nəticələrinə görə, rusiyalıların 32%-i xəbər almaq üçün internetdən istifadə edir. Respondentlərin yalnız 3-4%-i radio və qəzetdən məlumat aldıqlarını bildirib.
Sorğuya 1600 nəfər cəlb olunub.
