Yalnız Yerdə rast gəlinən dalğa Günəşdə də müşahidə olunub
Amerikalı alimlər Günəşdə Rossbi dalğaları qeydə alıblar. Belə dalğalar indiyədək yalnız Yer planetində müşahidə edildiyindən fakt alimləri təəccübləndirib.
Novator.az-ın məlumatına görə, bununla bağlı “Nature Astronomy” jurnalında dərc edilmiş yazıda deyilir ki, dalğanı Günəş sistemini öyrənən alimlər ALMA teleskopunun köməyilə müşahidə ediblər. Onların söylədiyinə görə, həmin dalğalanma artıq Yer kürəsinə də nüfuz edib, onun təsiri okeanlar üzərində və Yerin atmosfer qatında aşkar şəkildə hiss olunub.
Rossbi dalğaları Yerdə havanın temperaturuna möhkəm təsir göstərir və qlobal iqlim dəyişikliyində mühüm faktorlardan hesab edilir.
Rossbinin özəlliklərindən biri onun küləkli, impulsiv dalğalar və güclü maqnit sahəsi yaratmasındadır. Bu da əksər halda kosmik temperaturun qeyri-stabil vəziyyətə gəlib çıxmasına, fəzada titrəmələrə səbəb olur.
