KİV azadlığı: Azərbaycan 180 ölkə arasında 162-ci yerdədir
Mərkəzi qərargahı Parisdə olan “Sərhədsiz reportyorlar” beynəlxalq media təşkilatı aprelin 26-da KİV azadlığı reytinqini açıqlayıb. Novator.az-ın məlumatına görə, Azərbaycan 180 ölkə arasında 162-ci yerdə, azad olmayan ölkələr cərgəsində qərarlaşıb.
Gürcüstan 64-cü, Ermənistan 79-cü, Rusiya 148-ci, Türkiyə 155-ci, İran 165-ci sıradadır.
Reytinqə əsasən, KİV-in ən azad olduğu ölkələr Norveç, İsveç və Finlandiyadır.
KİV azadlığı indeksinin son sıralarında Türkmənistan, Eritreya və Şimali Koreya dayanır.
“Sərhədsiz reportyorlar” KİV azadlığı indeksini media müxtəlifliyi, KİV-lərin müstəqilliyi, jurnalistlərin fəaliyyət şəraiti, daxili senzura, hüquqi müdafiə kimi meyarlara əsasən hazırlayır.
