Əflatun Amaşova “Şöhrət” ordeni verildi
Aprelin 25-də prezident İlham Əliyev Mətbuat Şurasının sədri, Milli Məclisin deputatı Əflatun Amaşovu “Şöhrət” ordeni ilə təltif edib.
Təltif Əflatun Amaşovun Azərbaycan Respublikasının ictimai-siyasi həyatında fəal iştirakı ilə əsaslandırılıb.
Əflatun Amaşov 1957-ci il aprelin 26-da Gürcüstanın Bolnisi rayonunun Faxralı kəndində anadan olub. 1984-cü ildə Moskva Dövlət Universitetinin jurnalistika fakültəsini bitirib. AZƏRTAC Dövlət Teleqraf Agentliyində müxbir, şöbə müdiri, redaktor, baş redaktor və baş direktorun birinci müavini vəzifələrində çalışıb.
1995-ci ildə “Yeni Nəsil” Jurnalistlər Birliyinin yaradıcılarından olub. 1995-1998-ci illərdə təşkilatın sədr müavini vəzifəsini tutub. 1998-ci ildə “RUH” Azərbaycan Jurnalistləri Müdafiə Komitəsinin sədri seçilib. 2003-cü ildən Azərbaycan Mətbuat Şurasının sədridir. 2015-ci ilin noyabrında Milli Məclisin deputatı seçilib.
