İstanbulda dramatik final
Türkiyənin “Beşiktaş” komandası UEFA Avropa Liqasından dramatik sonluqla ayrılıb. Aprelin 20-də türklər İstanbulda Fransanın “Lion” komandası ilə 1/4 finalın cavab oyununu keçiriblər. Novator.az-ın məlumatına görə, əsas vaxt meydan sahiblərinin 2:1 hesablı qələbəsi ilə başa çatıb. İlk oyunda İstanbul təmsilçisi eyni hesabla uduzduğu üçün əlavə vaxt təyin olunub. Yenə qalib müəyyənləşməyib, penalti seriyasında isə fransızlar üstün gələrək (7:6) yarımfinala adlayıblar.
Dünənki digər üç oyundan sonra “Mançester Yunayted” (İngiltərə), “Selta” (İspaniya) və “Ayaks” (Hollandiya) komandaları da yarımfinala vəsiqə əldə ediblər.
