Vahid Ələkbərov Rusiyanın 6-cı varlı iş adamıdır
“Lukoyl” şirkətinin azərbaycanlı prezidenti Vahid Ələkbərov Rusiyanın ən varlı 200 biznesmeni arasında 6-cı yerdədir. Novator.az bildirir ki, Vahid Ələkbərovun 14,5 milyard dollar sərvəti var.
Daşınmaz əmlak və ticarət üzrə azərbaycanlı biznesmen Araz Ağalarov 1,7 milyard dollar sərvətlə 51-ci yerdədir.
İnvestisiya sektoru üzrə azərbaycanlı biznesmen Fərhad Əhmədov 67-ci sıradadır. Onun 1,3 milyard dollar sərvəti olduğu bildirilir.
Ən varlı 200 iş adamının siyahısını aprelin 20-də Forbes.ru açıqlayıb. Siyahıya qaz, neft-kimya sahəsi üzrə biznesmen Leonid Mixelson başçılıq edir. Onun 18,4 milyard dollar sərvəti var.
Qara metallurgiya, maşınqayırma, turizm sahələri üzrə biznesmen Aleksey Mordaşov 17,5 milyard dollarla ikinci, metallurgiya, nəqliyyat sahəsi üzrə biznesmen Vladimir Lisin 16,1 milyard dollarla üçüncüdür.
Rusiyanın 200 ən varlı biznesmeni arasında 6 erməni yer alır.
