Kənd təsərrüfatında üç aylıq statistika nə göstərir?
Bu ilin ilk üç ayında kənd təsərrüfatının ümumi məhsulu 2016-cı ilin birinci rübü ilə müqayisədə 3,5 faiz, o cümlədən bitkiçilik məhsulları istehsalı 24,6 faiz, heyvandarlıq məhsulları istehsalı 3 faiz artıb. Novator.az-ın məlumatına görə, Dövlət Statistika Komitəsinin hesabatında belə deyilir.
Rəsmi hesabata əsasən, keçən ilin müvafiq dövrü ilə müqayisədə cari ilin birinci rübündə mal-qaranın baş sayı 12,8 min baş, qoyun və keçilərin baş sayı 42,5 min baş azalıb.
Əvvəlki ilin müvafiq dövrü ilə müqayisədə ət istehsalı 3,2 faiz, süd istehsalı 2,2 faiz, yumurta istehsalı 4,6 faiz, tərəvəz istehsalı isə 50 faiz artıb.
