Terror qurbanlarının sayı artdı
Rusiyanın Sankt-Peterburq şəhərinin metrosundakı partlayışda ölənlərin sayı 15-ə çatıb. Novator.az-ın məlumatına görə, Hərbi Tibb Akademiyasında müalicə olunan ağır yaralı aprelin 12-nə keçən gecə dünyasını dəyişib.
Partlayış aprelin 3-də “Sennaya ploşad” və “Texnologiya İnstitutu-2” stansiyaları arasında törədilib. “Ploşad Vosstaniya” stansiyasına qoyulmuş partlayıcı qurğu isə zərərsizləşdirilib.
Hüquq mühafizə orqanları terror aktının icraçısının 1995-ci il təvəllüdlü Rusiya vətəndaşı Əkbərcan Cəlilov olduğunu bildirir. Qeyd olunur ki, Əkbərcan Cəlilov “Ploşad Vosstaniya” stansiyasına bomba qoyub, “Sennaya ploşad” və “Texnologiya İnstitutu-2” stansiyaları arasında isə özünü partladıb.
Terror aktında Əkbərcan Cəlilovu çıxmaqla 13 nəfər həlak olub, 100-dən çox adam zərər çəkib.
Aprelin 12-nə olan rəsmi bilgilərə əsasən, indiyədək 3 aprel terrorunda şübhəli bilinən 8 nəfər, o cümlədən 1 qadın tutulub.
