Şotlandiyada küləkdən alınan enerji sayəsində 3,3 milyon mənzili elektrik enerjisi ilə təmin etmək mümkün olacaq. Novator.az-ın məlumatına görə, “The İndependent” yazır ki, Şotlandiyada külək turbinləri saatda 1,2 milyon meqavat gücündə elektrik istehsal etmək səviyyəsinə çatıb.
Bu, alternativ enerji istehsalı sahəsində böyük irəliləyiş sayılır. İndi Şotlandiyada elektrik enerjisinə olan aylıq ehtiyacın 58 faizi külək enerjisinin payına düşür.
İngiltərə hökumətinin sahil boyunca külək turbinlərinin quraşdırılması prosesinin təşviqini dayandırdığı bir vaxtda Şotlandiyanın uğuru Ümumdünya Vəhşi Təbiətin Mühafizəsi Fondu (WWF) tərəfindən yüksək qiymətləndirilib. Fondun Şotlandiya üzrə direktoru Böyük Britaniya hökumətini alternativ enerji layihələrini dəstəkləməyə çağırıb.
