ABŞ dollarının rəsmi kursu aprelin 11-də də dəyişməyərək ötən həftənin son iş günü müəyyən olunmuş 1,7031 manat səviyyəsində qalıb.
Bəzi valyutaların məzənnəsində isə yenilik var. Novator.az-ın məlumatına görə, Mərkəzi Bank avronu 1,8029 manatdan 1,8033 manata, Rusiya rublunu 0,0296 manatdan 0,0299 manata qaldırıb.
Gürcü larisi banklara 0,7046 manata, ingilis funt sterlinqi 2,1152 manata, türk lirəsi 0,4566 manata təklif olunur (Məzənnələr).
2017-ci ildə dolların kursu 1,7707 manatla start götürüb. Yanvar ayında ən yuxarı rəsmi qiymət 1,9165 manat, fevral ayında 1,92 manat, mart ayında 1,7563 manat olub. Mərkəzi Bank aprelə 1,7244 manatla başlayıb.
