56 min manatdan çox gecikdirilmiş ödənişlər ödənib
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti yeni hesabat yayıb. Rəsmi məlumata görə, bu ilin birinci rübü ərzində vətəndaş müraciətləri ilə əlaqədar görülən tədbirlərlə işəgötürənlərin gecikdirdiyi ümumilikdə 56 min 516 manat məbləğində sosial xarakterli ödənişlərin işçilərə ödənməsi təmin olunub. Həmin vəsaitin 96,3 faizi əmək haqları, 1,8 faizi sosial müavinət və kompensasiyalar, qalan hissəsi zərərə görə ödənclərdir.
Müraciətlərin araşdırılması zamanı əmək müqaviləsinə qanunvericiliyin tələbləri pozulmaqla xitam verilmiş işçilərin əvvəlki işlərinə bərpa edilmələri də təmin edilib.
