Azərbaycan avtoritar ölkələr siyahısında
“Freedom House” beynəlxalq hüquq müdafiə təşkilatı keçid dövrü ölkələri ilə bağlı yeni hesabat (Nations in Transit) yayıb. Novator.az-ın məlumatına görə, hesabatda keçmiş SSRİ məkanı ölkələri və Avropanın keçmiş sosialist ölkələrində demokratiyanın vəziyyəti qiymətləndirilir.
Hesabatda keçid dövrü ölkələri 5 qrupa bölünüb. Azərbaycan avtoritar ölkələr siyahısındadır. Azərbaycanla eyni qrupda Belarus, Rusiya, Qazaxıstan, Qırğızıstan, Özbəkistan, Türkmənistan və Tacikistan var.
Ermənistan avtoritarizmə meyllənən ölkələr qrupuna salınıb.
Gürcüstan, Ukrayna, Moldova, Makedoniya, Albaniya, Monteneqro, Bosniya və Herseqovina hibrid rejimlər (yarı avtoritar, yarı demokratik) qrupundadır.
Qismən demokratik ölkələr qrupunda Xorvatiya, Macarıstan, Serbiya, Rumıniya və Bolqarıstanın adları var.
Estoniya, Latviya, Litva, Polşa, Slovakiya və Sloveniya demokratik ölkələr qrupuna düşüb.
