İlkin məlumat: zərər çəkənlər arasında azərbaycanlı yoxdur
“Hadisə yerindən əldə edilən ilkin məlumatlara görə, Sankt-Peterburq metrosunun stansiyalarındakı partlayışlarda ölən və yaralananlar arasında azərbaycanlı yoxdur”. Bunu “Report”un Rusiya bürosuna açıqlamasında Azərbaycanın Sankt-Peterburqdakı baş konsulu Sultan Qasımov deyib.
“Müvafiq xidmətlərlə əlaqədəyik və yeni məlumat olacağı təqdirdə xəbər veriləcək” deyən Sultan Qasımov bildirib ki, hadisə yerində istintaq qrupu işləyir.
Aprelin 3-ü Rusiyanın Sankt-Peterburq şəhərinin metrosunda iki dəfə partlayış olub. Hadisə “Sennaya ploşad” və “Texnologiya İnstitutu” stansiyalarında baş verib.
İlkin məlumata görə, ən azı 10 nəfər həlak olub, 50 nəfər yaralanıb.
