Ən populyar adların yeni siyahısı
Azərbaycanda bu ilin üç ayında doğulmuş uşaqlara verilən populyar adların siyahısı bilinib. Novator.az-ın məlumatına görə, yanvar-mart aylarının ən populyar oğlan adı Yusif olub. 417 uşağa bu ad verilib.
Əli ikinci (298), Hüseyn üçüncü (235), Ömər dördüncü (215), Məhəmməd beşinci (205) populyar addır.
Siyahının ilk onluğunda Uğur (192), Murad (186), Ayxan (143), Tunar (130), İbrahim (125) adları da yer alır.
Üç ayın ən populyar qız adı Zəhradır (334 uşaq).
307 uşağa Nuray, 222 uşağa Zeynəb, 210 uşağa Aylin, 209 uşağa Fatimə adı qoyulub.
İlk onluğu Məryəm (206), Mələk (204), Dəniz (184), Damla (143), Ayan (138) adları qapayır.
