Ötən il dekabrın 15-də güclü külək “Azneft” İstehsalat Birliyinin Nəriman Nərimanov adına Neft-Qaz Çıxarma İdarəsinin Xəzər dənizindəki bir estakadasını dənizə uçurmuş, 10 neftçi batmış, bu il martın 20-dək 6 şəxsin meyiti tapılmışdı.
Dövlət Dəniz Administrasiyasında Fövqəladə Hallar Nazirliyi, Müdafiə Nazirliyi, Dövlət Sərhəd Xidməti, Dövlət Neft Şirkəti və Azərbaycan Xəzər Dəniz Gəmiçiliyi ilə birgə yaradılmış qərargahın ən son məlumatına görə, martın 20-də nasos qurğularının maşinisti, 1965-ci il təvəllüdlü Zülfüqarov Güloğlan Hacıbala oğlunun meyiti tapılıb.
Novator.az bildirir ki, bununla itkin neftçilərin sayı 3-ə düşüb.
