Gömrükdə iki aylıq pozuntular
2017-ci ilin iki ayı üzrə gömrük hüquqpozmalarının statistikası yayılıb. Novator.az-ın məlumatına görə, Dövlət Gömrük Komitəsi bildirir ki, yanvar-fevral ayları ərzində gömrük orqanları cinayət xarakterli 142 fakt aşkarlayıb.
Gömrükçülər 81 qaçaqmalçılıq faktı, narkotik vasitələrin və psixotrop maddələrin qanunsuz dövriyyəsi ilə əlaqədar 44 fakt, 1 gömrük ödənişindən yayınma, 11 aksiz markası olmadan mal idxal etmə faktı, 50 digər cinayət xarakterli fakt qeydə alıb.
Yanvar-fevral ayları ərzində gömrük hüquqpozmalarında 157 şəxs təqsirləndirilib.
Hesabat dövründə Dövlət Gömrük Komitəsi 1374 inzibati xəta faktı ortaya çıxarıb.
