![]({"full":{"0":"2017\/03\/Movlud-Movlud.jpg","1":545,"2":370,"3":false,"file":"https:\/\/novator.az\/wp-content\/uploads\/2017\/03\/Movlud-Movlud.jpg"}})
Yazıçı, publisist, jurnalist, Teleqraf.com saytının əməkdaşı Mövlud Mövlud intihar edib.
Hadisə martın 16-na keçən gecə saat 2 radələrində baş verib. 28 yaşlı Mövlud Mövlud (Abdullayev Mövlud İsmayıl oğlu) Bakının Binəqədi rayonunda kirayədə qaldığı 17 mərtəbəli binanın sonuncu mərtəbəsində yerləşən mənzilin eyvanından özünü yerə atıb. O, hadisə yerində keçinib.
Binəqədi Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.
Mövlud Mövluddan bir oğlu yadigar qalıb.
Qonşularının Musavat.com-a dediyinə görə, Mövlud uzun müddət imiş tək yaşayırmış. Hadisə günü də evdə tək olub. İntihardan qabaq o, qaldığı mənzilin qapısına iki ürək şəkli vurub.
Gənc yazarın cənazəsi dəfn edilmək üçün ata yurduna – Qazax rayonuna aparılıb.
Allah rəhmət eləsin!