Torpaq çərşənbəsi əksər yerdə yağmursuz ötəcək
Ekologiya və Təbii Sərvətlər Nazirliyinin Milli Hidrometeorologiya Departamenti martın 14-ü torpaq çərşənbəsi günü gözlənilən hava proqnozunu açıqlayıb.
Məlumata görə, havanın temperaturu Abşeron yarımadasında gecə 4-7, gündüz 10-14 dərəcə isti, Bakıda gecə 4-6, gündüz 11-13 dərəcə isti olacaq.
Milli Hidrometeorologiya Departamenti ümumən martın 14-də ölkənin rayonlarında hava şəraitinin əsasən yağmursuz keçəcəyini, lakin bəzi cənub və qərb rayonlarında yağıntının olacağını xəbər verir. Ayrı-ayrı yerlərdə duman olacaq. Şərq küləyi əsəcək.
Rayonlarda havanın temperaturu gecə 3-7, gündüz 14-19 dərəcə, dağlarda gecə 0-5, gündüz 5-10 dərəcə isti olacaq.
