Tarif Şurasının 6 mart iclasında Dövlət İmtahan Mərkəzinin göstərdiyi ödənişli xidmətlərin qiymətləri ilə bağlı qərar qəbul edilib. Tələbə qəbulunda xidmətlərin tarifləri 9 qrup üzrə təsnifatlaşdırılmaqla imtahanın növündən asılı olaraq 10-100 manat arasında müəyyənləşdirilib.

İclasda Səhiyyə Nazirliyinin müraciəti nəzərə alınaraq dərman vasitələrinin ekspertizası xidmətləri üzrə təsnifatlaşdırmanın təkmilləşdirilməsi, qeydiyyat prosesində doza və qablaşdırma üzrə çeşid sayının optimallaşdırılması, konkretləşdirmə və praktikada anlaşılmazlıqların aradan qaldırılması məqsədilə yenidən dövlət qeydiyyatına alınmaq üçün ixtisaslaşdırılmış ekspertiza və qeydiyyat sənədlərində edilmiş dəyişikliklərin qeydiyyata alınması üçün ekspertizaya görə hər əlavə doza və qablaşdırma üçün tariflər təsdiqlənib.

Tarif Şurası həmçinin “Dərman vasitələrinin qiymətlərinin hesablanması üsullarına dair təlimat”a dəyişikliklər edib.