Dollar marta artımla başladı
Mərkəzi Bank martın 1-də ABŞ dollarını bahalaşdırıb. Novator.az-ın məlumatına görə, rəsmi kurs 1,7475 manatdan 1,7515 manata yüksəlib. Əvvəlki qiymət fevralın 24-dən qüvvədə idi.
Başqa valyutalara gəlincə, avro banklara 1,8483, gürcü larisi 0,693, ingilis funt sterlinqi 2,166, Rusiya rublu 0,0301, türk lirəsi 0,4792 manata satılır (Məzənnələr).
2017-ci ilə dollar 1,7707 manatla başlayıb və ay ərzində kurs 1,9165 manata qalxıb.
Fevralın ilk iki günündə rəsmi kurs 1,92 manat olub. Bunun ardınca ucuzlaşma dalğası gəlib və kurs 1,7296 manata yüksəlib. Fevralın 17-dən isə dolların rəsmi kursu yenə artaraq 1,7475 manata çatıb.
