İqtisadiyyat Nazirliyi nə qədər müraciət qəbul edib?
İqtisadiyyat Nazirliyi 195-2 Çağrı Mərkəzi ilə bağlı hesabat yayıb. Rəsmi məlumatda qeyd olunur ki, yanvar ayında Çağrı Mərkəzinə 1300-ə yaxın müraciət daxil olub. 950-dən çoxu canlı rejimdə, 293-ü səsli menyu vasitəsilə cavablandırılan müraciətlər əsasən güzəştli kreditlərin əldə olunması, istehlakçıların qanuni hüquqlarının müdafiəsi, lisenziyaların və investisiya təşviqi sənədinin verilməsi, qeyri-neft məhsullarının ixracının dəstəklənməsi mexanizmləri, “Made in Azerbaijan” brendinin təşviqi məsələləri barədə olub. Çağrı Mərkəzinin səsli menyusundan yararlananlar isə daha çox güzəştli kreditlərin əldə edilməsi barədə məlumatlar alıblar.
Yanvar ayında daxil olmuş müraciətlərin 62%-i Bakı şəhərinin, 38%-i regionların payına düşüb.
195-2 Çağrı Mərkəzi İqtisadiyyat Nazirliyinin fəaliyyəti ilə bağlı müraciətləri birbaşa və ya araşdırıldıqdan sonra cavablandırır, məlumatlandırma və məsləhət xidməti göstərir, şikayətləri qəbul edir. Stasionar telefonlardan daxil olan bütün zənglər və göstərilən bütün xidmətlər ödənişsizdir.
