Ötən il dekabrın 15-də güclü külək “Azneft” İstehsalat Birliyinin Xəzərdəki neft yığım məntəqələrinin birində estakadanı dənizə uçurub, 10 neftçi batıb. Fevralın 17-dək 2 şəxsin meyiti tapılmışdı.

Dövlət Dəniz Administrasiyasında Fövqəladə Hallar Nazirliyi, Müdafiə Nazirliyi, Dövlət Sərhəd Xidməti, SOCAR və Azərbaycan Xəzər Dəniz Gəmiçiliyi ilə birgə yaradılmış qərargahın yeni məlumatına görə, fevralın 17-də dənizin “Pirsaat” burnu hissəsində, sahildən 1 mil aralı məsafədə şəxsiyyəti naməlum kişi meyiti aşkarlanıb. APA bildirir ki, meyitin müayinəsi zamanı onun itkin düşən neftçi Vidadi Cümşüd oğlu Qurbanov olduğu müəyyən edilib.