İqtisadiyyatda müsbət tərpəniş
Dövlət Statistika Komitəsinin rəsmi məlumatına görə, 2017-ci ilin yanvarında ölkədə fəaliyyət göstərən müəssisə, təşkilat və fərdi sahibkarlar 5 milyard 233,1 milyon manatlıq və ya əvvəlki ilin müvafiq dövrünə nisbətən 0,8 faiz çox ümumi daxili məhsul (ÜDM) istehsal edib.
Əlavə dəyərin 47,7 faizi sənayedə, 9,5 faizi ticarət; nəqliyyat vasitələrinin təmiri, 7,2 faizi nəqliyyat və anbar təsərrüfatı, 6,8 faizi tikinti, 2,7 faizi kənd təsərrüfatı, meşə təsərrüfatı və balıqçılıq, 2,5 faizi turistlərin yerləşdirilməsi və ictimai iaşə, 1,6 faizi informasiya və rabitə, 15,9 faizi isə digər sahələrdə istehsal edilib. Məhsula və idxala xalis vergilər ÜDM-in 6,1 faizini təşkil edib.
Əhalinin hər nəfərinə düşən ümumi daxili məhsul 539,8 manata bərabər olub.
Novator.az xatırladır ki, 2016-cı ildə Azərbaycanda ümumi daxili məhsul istehsalı 2015-ci ilə nisbətən 3,1% düşmüş, bu, 1995-ci ildən bəri ilk azalma olmuşdu.
