Türkmənistanda fevralın 12-də keçirilmiş prezident seçkisinin ilkin nəticələri açıqlanıb. Novator.az-ın məlumatına görə, 9 namizədin mübarizə apardığı seçkidə indiki prezident Qurbanqulu Berdiməhəmmədov 97,69% səslə qalib elan olunub.

Bu il 60 yaşı tamam olacaq Qurbanqulu Berdiməhəmmədov 2007-ci ildən prezidentdir. O, ilk dəfə və 2012-ci ildə 5 il müddətinə dövlət başçısı seçilib. Ötən il isə Türkmənistanda prezidentin səlahiyyət müddəti 7 ilə qaldırılıb, həmçinin prezident seçilmək üçün qoyulan 70 yaş həddi ləğv edilib.