Avropa İttifaqının Statistika Xidməti birlik ölkələrindəki aylıq minimum əməkhaqqı ilə bağlı yeni hesabat açıqlayıb. Novator.az-ın məlumatına görə, 2017-ci ilin yanvarına minimum əməkhaqqı üzrə ən yüksək göstərici Lüksemburqda qeydə alınıb: 1999 avro.

Minimum əməkhaqqı göstəricilərinin ilk beşliyində sonrakı sıralama belədir: İrlandiya (1563 avro), Niderland (1552 avro), Belçika (1532 avro), Almaniya (1498 avro).

Avropa İttifaqının Statistika Xidmətinin hesabatına görə, Çexiyada minimum əməkhaqqı 407 avro, Macarıstanda 412 avro, Xorvatiyada 433 avro, Slovakiyada 435 avro, Polşada 453 avro, Estoniyada 470 avrodur.

Latviya və Litvada hazırda minimum əməkhaqqı 380 avro, Rumıniyada 275 avro, Bolqarıstanda 235 avro təşkil edir.

Novator.az bildirir ki, Azərbaycanda minimum əməkhaqqı 116 manatdır. Bu, 63,1 avro deməkdir.