Rusiyada 6 milyona yaxın ailə bir nəfərin ümidinə qalıb
Rusiyada 17 milyon ailədən 5 milyonu yalnız ana ümidinə qalıb, 600 mindən çox ailədə isə uşaqları ata təkbaşına tərbiyə edir. Novator.az-ın məlumatına görə, Rusiya prezidenti yanında uşaq haqları üzrə səlahiyyətli nümayəndə Anna Kuznetsova fevralın 7-də belə açıqlama verib.
Uşaq ombudsmanı bildirib ki, ölkədə 11 milyon 600 min uşaqlı ailə, uşağı tək böyüdən 648 mindən çox ata var: “237 min uşaq himayəyə verilib, 115 min nəfər isə övladlığa götürülüb”.
Anna Kuznetsova hazırda uşaq evlərində 60 min uşağın olduğunu vurğulayıb. O bildirib ki, yetim və valideyn himayəsindən məhrum olmuş 500 mindən çox uşaq yad ailələrdə tərbiyə alır, onlardan 148 mini övladlığa verilib.
