Təhsil Nazirliyi yanvarda 12 min 438 müraciət qəbul edib
Yanvar ayında Təhsil Nazirliyinin vətəndaşlarla iş bölməsinə ümumilikdə 12 min 438 müraciət daxil olub. Rəsmi hesabata görə, telefon məlumat mərkəzində (146 nömrəli “Qaynar xətt” xidməti) 9 min 615 zəng qəbul edilib. Vətəndaşların qəbulu mərkəzində isə bu dövrdə 2 min 823 vətəndaşa xidmət göstərilib, 1228 sənəd (586 məktub, 389 ərizə, 253 digər sənəd) qəbul olunub və qeydiyyata alınıb.
Müraciətlər daha çox ali təhsil sənədlərinin (diplomların) tanınması (nostrifikasiya), tələbələrin yerli ali təhsil müəssisələrinə köçürülməsi və bərpası, müəllimlərin diaqnostik qiymətləndirilməsi ilə bağlı olub.
