Ötən il Ermənistan əhalisi 0,4 faiz azalıb
2016-cı ildə Ermənistan əhalisi 0,4 faiz azalıb. Novator.az-ın məlumatına görə, Milli Statistika Xidməti fevralın 1-də belə hesabat yayıb. Hesabatda qeyd edilir ki, 2017-ci il yanvarın 1-nə Ermənistanda əhalinin sayı 2 milyon 986,5 min nəfər olub. Bu, 2016-cı ilin yanvarın 1-i ilə müqayisədə 12,1 min nəfər və ya 0,4 faiz azalma deməkdir.
Milli Statistika Xidməti bildirir ki, 2016-cı ildə əhalinin təbii artımı 12,5 min nəfər təşkil edib, ölkədən isə 24,6 min nəfər köçüb.
2016-cı ildə Ermənistanda 16 min 294 nikah bağlanıb. Bu, 2015-ci illə müqayisədə 1309 nikah azdır. İl ərzində boşanmaların sayının da əvvəlki illə müqayisədə 0,6 faiz azaldığı bildirilir. Ötən il Ermənistanda 3 min 648 boşanma rəsmiləşib.
