Əmlak Məsələləri Dövlət Komitəsi yanvarın 31-də hərrac keçirib. Paytaxtdakı hərrac komitənin İnformasiya Texnologiyaları Mərkəzində baş tutub.
Satışa çıxarılmış kiçik dövlət müəssisələri və obyektlərinin həm Bakı, həm regionlarda, qeyri-yaşayış sahələrinin əksəriyyətinin isə paytaxtın rayonlarında yerləşdiyi bildirilir.
Paytaxtda yerləşən obyektlər sırasında 86,4 kvadratmetr torpaq sahəsi və 66,8 kvadratmetr ümumi faydalı sahəsi olan birmərtəbəli ayrı tikili, Nərimanov rayonundakı 29,5 kvadratmetr, 84 kvadratmetr və 75 kvadratmetr sahəyə malik qeyri-yaşayış obyektləri olub.
Hərracda Nərimanov və Binəqədi rayonlarında yerləşən qeyri-yaşayış obyektləri özəlləşdirilib. Ən yüksək qiymətə Nərimanov rayonundakı beşmərtəbəli binanın qeyri-yaşayış sahəsi özəlləşdirilib.
