Heyvanların mühafizəsi üzrə araşdırmaların nəticələri
Ekologiya və Təbii Sərvətlər Nazirliyi heyvanların mühafizəsi üzrə 2016-cı ildə apardığı araşdırmaların nəticələrini açıqlayıb. Rəsmi hesabatda bildirilir ki, yol verilən qanun pozuntularına görə 66 akt və 111 protokol tərtib olunub, ümumilikdə 112 iş üzrə 123 min 600 manat məbləğində cərimə tətbiq edilib, ətraf mühitə dəyən ziyanla bağlı 93 iş üzrə 915,6 manat məbləğində iddia qaldırılıb və 673 iş üzrə 19 min 738,19 manat məbləğində ödəmə tətbiq olunub.
Tədbir görülməsi üçün hüquq mühafizə orqanlarına göndərilən 23 işdən 9-na, icra qruplarına göndərilən 42 işdən 25-nə və məhkəmələrə göndərilən 10 işdən 3-nə baxılıb.
Balıq ehtiyatlarının mühafizəsi üzrə qanun pozuntularına görə 162 akt və 25 protokol tərtib olunub, icrası məcburi olan 2 müddətli göstəriş verilib. Ümumilikdə 2 iş üzrə 5700 manat məbləğində cərimə tətbiq edilib, ətraf mühitə dəyən ziyanla bağlı 89 iş üzrə 40 min 717 manat məbləğində iddia qaldırılıb.
Tədbir görülməsi üçün hüquq mühafizə orqanlarına göndərilən 18 işdən 9-na və məhkəmələrə göndərilən 88 işdən 24-nə baxılaraq müvafiq tədbir görülüb. Qalan işlər isə icraatdadır.
