Çində ilk dəfə xarici ölkələrin qeyri-hökumət təşkilatlarının fəaliyyət göstərməsinə icazə verilib: 30-dan çox xarici QHT-yə müvafiq qeydiyyat sertifikatları təqdim edilib. Sertifikat alan QHT-lər arasında Dünya İqtisadi Forumu kimi tanınmış təşkilatlarla yanaşı Çinin xüsusi inzibati rayonu olan Honqkonqun, habelə Tayvanın da QHT-ləri var.

AZƏRTAC bildirir ki, xarici ölkələrin QHT-lərinin Çində fəaliyyətinə icazə verən qanun bu ildən qüvvəyə minib. QHT-ləri Çin İctimai Təhlükəsizlik Nazirliyinin (polis) mərkəzi aparatı və vilayət bölmələri qeydiyyata alır.