Torpağın və yerin təkinin mühafizəsi: 2016-cı il pozuntuları
Ekologiya və Təbii Sərvətlər Nazirliyi torpağın və yerin təkinin mühafizəsi üzrə 2016-cı ildə qeydə alınmış pozuntularla bağlı açıqlama yayıb. Qeyd olunur ki, torpağın mühafizəsi üzrə araşdırma zamanı yol verilən qanun pozuntularına görə 131 akt və 32 protokol tərtib olunub, müəyyən edilən nöqsanların aradan qaldırılması üçün 26 müddətli məcburi göstəriş verilib.
34 iş üzrə 13 min 800 manat məbləğində cərimə, 309 iş üzrə 32 min 609,8 manat məbləğində ödəmə tətbiq olunub, ətraf mühitə dəyən ziyana görə 18 iş üzrə 68 min 692,8 manat məbləğində iddia qaldırılıb.
Hüquq mühafizə orqanlarına göndərilən 5 işdən 2-nə, icra qruplarına göndərilən 18 işdən 9-na, məhkəmələrə göndərilən 5 işdən 1-nə baxılaraq müvafiq tədbir görülüb. 16 iş isə icraatdadır.
Yerin təkinin mühafizəsi üzrə yol verilən qanun pozuntularına görə 53 akt və 8 protokol tərtib olunub, 8 müddətli məcburi göstəriş verilib.
15 iş üzrə 8 min 600 manat məbləğində cərimə, 24 iş üzrə 6 min 380 manat məbləğində ödəmə tətbiq olunub, ətraf mühitə dəyən ziyana görə 27 iş üzrə 42 min 6198,5 manat məbləğində iddia qaldırılıb.
Hüquq mühafizə orqanlarına göndərilən 15 işdən 10-na, icra qruplarına göndərilən 10 işdən 8-nə və məhkəmələrə göndərilən 20 işdən 2-nə baxılaraq müvafiq tədbir görülüb. 25 iş isə hazırda icraatdadır.
