NİDA Vətəndaş Hərəkatının üzvü Rəhim Vəliyevə 30 sutka inzibati həbs verilib.

Həbs qərarını yanvarın 16-da Nərimanov Rayon Məhkəməsinin hakimi Vüsal Qurbanov çıxarıb.

Vəkil Elçin Sadıqov “Azadlıq” radiosuna deyib ki, qərarı qanunsuz sayırlar və apellyasiya şikayəti verəcəklər.

Nərimanov Rayon Məhkəməsinin qərarında göstərilir ki, Rəhim Vəliyev ondan sənəd istəyən polisin tələblərinə tabe olmayıb.

Vəkilin bildirdiyinə görə, Rəhim Vəliyev saxlananda ona doğmaları ilə əlaqə yaratmağa imkan verilməyib. Məhkəmədə isə onun müdafiəsinə istədiyi vəkil yox, dövlət vəkili cəlb olunub.