Ekoloji qanunvericiliyin pozuntuları: illik statistika
Ekologiya və Təbii Sərvətlər Nazirliyi 2016-cı il üzrə hesabat açıqlayıb. Hesabatda bildirilir ki, ötən il atmosfer havasının mühafizəsi üzrə qanunvericiliyin pozuntularına görə 120 akt və 51 protokol tərtib olunub, müəyyən edilən nöqsanların aradan qaldırılması üçün 24 müddətli məcburi göstəriş verilib.
İl ərzində 59 iş üzrə 42 min 500 manat məbləğində cərimə, 1386 iş üzrə 329 min 620,46 manat məbləğində ödəmə tətbiq edilib, ətraf mühitə dəyən ziyana görə 1 iş üzrə 1200 manat məbləğində iddia qaldırılıb.
İcra qruplarına göndərilən 29 işdən 16-na, hüquq mühafizə orqanlarına göndərilən 10 işdən 5-nə və məhkəmələrə göndərilən 2 işdən 1-nə baxılaraq müvafiq tədbir görülüb.
